احلى شي
عند امي لون عيونها
شما اركز بيها ادوخ بلونها
الناس خابصها الخضار من السواد
وامي صورة والدي اعله جفونها
امي لو غابت
مثل شمعة انطفي
مو اموت اتلاشى واصغر واختفي
امي التربي چذب يعرف يخون
لو تربي الذيب هم يطلع وفي
لا اطول
السالفة ولاعيدها
الدنية ظلمة وروحي گمرة تريدها
اليبوس الايد ينذل شي اكيد
وامي ترفع راسي لو بست ايدها
"""""""""""
رائد ابو فتيان
"""""""""""
كل عام وامهاتنا بألف خير
ليست هناك تعليقات:
إرسال تعليق