الخلل بيه عفتني وماعرفت انساك
لا والله من الأول ماعرفت أهوه
ماترهملي صاحب مو حبيب تصير
بس ترهم بن آدم يوكَع ابلوه
مو بحجارة ربك يضرب بمحبوب
يحط روحك بواحد دمعة مايسوه
جنت ماعندي شي وتصيحلي ومآجيك
وتتوسل جبتها فدوة ما فدوة
عفتني والله نكتة تموت من النوح
بقيت أضحك وأون من كثر ماحلوة
هسه انت رحت طيرة وخذتها الريح
گلبي شبي بدونك ماعرف يروه
أعاشر غيرك وأطلع وأطب وأشتاكَـ
ماكَلك وفه بس روحي محرومه
شفت الأحلى منك والأحب والزين
واهتموا بروحي وبقت مهمومة
ثاري العشكَـ موش تكَلب وتختار
مثل الموت هم كل واحد بيومه
شفت الأحلى منك والأحب والزين
واهتموا بروحي وبقت مهمومة
ثاري العشكَـ موش تكَلب وتختار
مثل الموت هم كل واحد بيومه
التجارب فشلن وسميتهن نزوه
ردت ارهم لغيرك لجن مو كَوة
مو كل حسره تعرف قيمة الدخان
الجكَارة بشفة المرتاح مو حلوة
آنا وياك ام وأبن بس مو زين
أحن غصباً عليّ وتشح بالمروه
يذآك الـ بالسجن من تطلع افرح بيك
يجي الليل وتجي هم ذآبني ابلوه
انا مقيمك غلط والغير ما الومه
كَالوا مبتسم من كَلت شعلومه
فرحانين لك وانا ابجي ختيلان
مثل وحده بعرس صاحبها معزومه
كَطعت وياي أذا بالطيف أجيك تكَوم
تفز فزة الشاف جنازته بنومه
بعده أخضر فراكَك والشمس بت غيم
والخليته ذاك ، ذاك مبلله هدومه
شطلع بيه وعليك فراكَي مر نشوه
وانا من اسبوع بأيامك جنت لكَوة
استشعرت الكرم بيه ولزمت الباب
مشاعر گلبي امس جديتهن جدوه
وجاملتك حضن كَد ماصحت بردان
بس حضنيش صدري بصدرك تّجوة
هسه ازعل وما تهتم
وانا من ايام اذا ماارضه تنطي شفايفك رشوه
هسه ازعل وما تهتم
وانا من ايام اذا ماارضه تنطي شفايفك رشوه
وهي خلصت وبعده الشوكَـ ماخلصان
غيب وعود تلكَة المايريدك حان
كَالوا ينسي اليبتعد بس لتخاف
أديّ تهوه المكَاود ماتهز فنجان
طري ، طري وجهي وبعد بي للمعاتب ماي
خاف تريد نتحاسب منو الغلطان
مشكلتك تحب بس اكثر من اثنين
ومشكلتي من احب من گلبي اصير انسان
وذني جفوفي مارافعهن بدعوة
اعله واحد عافني ادري الخسر هوه
طيب واليضوك سوالفي ميخون
على اهل الشوكَـ نسمه وللربع خوه
امي بروحها تنست لمن ماجيت
وموش بجلدي صارت بالگلب نِسوه
وشنو الماخسرته ورايد اربح بيك
انا الشاطر المانصبوه قدوة
ومو شرط التعب بأنسان حصته يصير
الأسد حصته الزند والركض للبوه
هاي الدنيا مدري انت المهم تهون
صفه الشط صاحبي كَد ماكَلت فدوة
